ഒരിക്കല്
മരണം ചോദിച്ചു.
എങ്ങനെയാണ് നിന്റെ പ്രണയം?
അതിഥികള്ക്കായ്ഒരുക്കിവെച്ച മുറിയിലെ
വിരുന്നുകാരനെപോലെയാണ്
എന്റെ പ്രണയം.
അത് കൊണ്ടുവരുന്നത്
പൂക്കളോ,മാരുതനോ,
നാരിയോ,പ്രകൃതിയോ,
എന്തുമാവാം....
അവയുമായ് ഒന്നിക്കുമ്പോള്
ഞാന് പ്രണയത്തിലാവുന്നു.
മരണം പറഞ്ഞു
നല്ലത്.
എന്നാല്
എന്റെ പ്രണയം പ്രാണനാണ്.
അതാണ്നിന്റെ വേണുവിലൂടെ
നാദമായ് ഒഴുകുന്നത്.
അത്
നീയറിയുന്ന ദിനത്തില്
നിന്റെ മുറിയില്
ഞാന് വരും
വിരുന്നുകാരനായ്.
ആ കണ്ടെത്തല് വരെയുള്ള
സമയമാണ്
നിന്റെ ജീവിതം.
അതിനാല്
ഞാന് കാത്തിരിക്കുന്നു
നിനക്കുവേണ്ടി.
ഇനി പറയു
നമ്മളില് ആരാണ് പ്രണയിക്കുന്നത്?.....